कोल्हापूरकरांनो सावधान! नियम मोडल्यास आजपासून होणार मोठा दंड कोल्हापूर - शहरात कोरोनाचा कहर कमी करण्यासाठी महापलिका आणि पोलिस प्रशासन यांनी संयुक्त कारवाईचा निर्णय घेतला असून मास्क न वापरणाऱ्या तसेच होम क्वांरनटाईन असतानाही घराबाहेर पडणाऱ्यांना पाच हजार रुपयांचा दंड करण्यात येणार आहे. या कारवाईसाठी 20 पथकांची नेमणूक केली आहे. आज रविवार असल्याने यासंदर्भात कोणतीही कारवाई झाली नसली तरीदेखील कारवाईची तयारी मात्र सुरु आहे. कोरोनाचा कहर शहर आणि जिल्ह्यात वाढतच आहे. शहरात दररोज 200 सरासरी रुग्ण सापडत आहेत. रुग्णांचे कॉन्टॅक्‍ट ट्रेसिंगही सुरु असून आता त्याव्दारे रुग्णाच्या संपर्कात आलेल्या लोकांची यादी बनवून त्यांच्याही तपासण्या केल्या जाणार आहेत. महापालिकेने यापुर्वी केएमटी कर्मचाऱ्यामार्फत कारवाई सुरु केली आहेच. त्याचबरोबर लोकांच्यावर प्रशासनाचा आणखीन जरब बसावा,यासाठी आता दंडाची रक्कम वाढविली असून पाच हजार रुपये दंड करण्यात येणार आहे.तसेच रुटींग कारवाईही यासोबत केली जाणार आहे. हे पण वाचा - पतीचा खून करून मृतदेह खड्यात गाडणाऱ्या पत्नीच्या पोलिसांनी आवळल्या मुसक्या कोरोनाचा कहर वाढत असताना शहरात बेफिकीरीने फिरणाऱ्या नागरिकांचे प्रमाण वाढत आहे. या पार्श्‍वभूमीवर प्रशासनाकडून कांही कडक निर्णय घेतले आहेत. दरम्यान,केएमटी कर्मचाऱ्यांनी आज दिवसभरात 20 हजारावर दंड वसूल केला आहे. मास्क न वापरणाऱ्यांना या पथकाकडून शंभर रुपयांची दंडात्मक कारवाई केली जाते. उद्यापासून पोलिस आणि महापालिका यांच्या संयुक्त कारवाईत मात्र मोठा दंड आकारला जाणार आहे. हे पण वाचा - नृत्यांगणा मंगला विधाते-साखरे यांचे निधन संपादन - धनाजी सुर्वे News Story Feeds https://ift.tt/eA8V8J

via News Story Feeds https://ift.tt/3i5QB6J