अरे व्वा! एमपीएससी, यूपीएससी प्रशिक्षणही होणार आता ऑनलाइन पुणे - कोरोनाच्या प्रादुर्भावामुळे डॉ. बाबासाहेब आंबेडकर संशोधन व प्रशिक्षण संस्थेमार्फत (बार्टी) सुरू असलेले प्रशिक्षण वर्ग बंद आहेत. विद्यार्थ्यांचे शैक्षणिक नुकसान टाळण्यासाठी बार्टीने पुढाकार घेत केवळ अनुसूचित जातीमधील विद्यार्थ्यांनाच नव्हे तर स्पर्धा परीक्षेच्या सर्व विद्यार्थ्यांसाठी ऑनलाइन प्रशिक्षण देण्यास सुरवात केली आहे. - ताज्या बातम्यांसाठी डाऊनलोड करा ई-सकाळचे ऍप - पुण्याच्या बातम्या वाचण्यासाठी येथे ► क्लिक करा कोरोनाच्या प्रादुर्भावामुळे बार्टी मार्फत सुरू असलेले एमपीएससी, यूपीएससी आणि आयबीपीएससह सर्व प्रशिक्षण वर्ग बंद आहेत. त्यामुळे राज्यातील विद्यार्थी मोठ्या प्रमाणात मार्गदर्शनापासून वंचित आहेत. लॉकडाऊनच्या काळात गावी अडकलेल्या उमेदवारांना प्रशिक्षणासाठी आर्थिक चणचण भासत आहे. ऑनलाईन पद्धतीने व्यावसायिक प्रशिक्षण वर्गाचे प्रशिक्षण शुल्क भरण्यासाठी उमेदवारांकडे पैसे नाहीत. या पार्श्वभूमीवर बार्टीचे महासंचालक कैलास कणसे यांनी ऑनलाईन प्रशिक्षणाचा निर्णय घेतला. पुणेकरांनो, उद्या जरा जपून; हवामान खात्यानं दिला 'ऑरेंज अलर्ट' या प्रशिक्षणाची सुरुवात 24 जुलैपासून झाली आहे. वेबिनार तसेच यु ट्यूब, फेसबुकच्या माध्यमातून शहरी आणि ग्रामीण भागातील दीड लाखांपेक्षा जास्त उमेदवार प्रशिक्षणात सहभागी झाले आहेत. बार्टीच्या प्रशिक्षणात प्रशिक्षक तज्ज्ञ आणि अधिकारी विद्यार्थ्यांना राज्यशास्त्र, अर्थशास्त्र, इतिहास, भूगोल यासह विविध विषयांवर मोफत मार्गदर्शन करीत आहेत. प्रशिक्षण दररोज सकाळी 8 ते 12 यावेळेत 'बार्टी ऑनलाइन एमपीएससी'वर होत आहे. पुढील आठवड्यात यूपीएससी आणि आयबीपीएसचे ऑनलाईन प्रशिक्षण सुरु होणार आहे. पुणे महापालिकेने पाणी कपातीबाबत घेतला महत्त्वाचा निर्णय! प्रशिक्षण वर्गासाठी हजारो विद्यार्थी सहभागी झाले आहेत. मोफत ऑनलाईन प्रशिक्षणामुळे शहरी आणि ग्रामीण भागातील गरीब विद्यार्थ्यांना याचा नक्कीच फायदा होणार आहे. - कैलास कणसे, महासंचालक, बार्टी. Edited By - Prashant Patil News Story Feeds https://ift.tt/eA8V8J

via News Story Feeds https://ift.tt/30qkYOW