कोरोनाच्या प्रादुर्भावामुळे बंद असलेली पर्यटन निवासस्थाने आता होणार पुन्हा खुली पुणे - कोरोनाच्या प्रादुर्भावामुळे बंद असलेली पर्यटन निवासस्थाने आता पुन्हा खुली होत आहेत. त्यामुळे पर्यटकांना निसर्गाच्या सानिध्यात असलेल्या पर्यटनस्थळांचा आनंद लुटता येणार आहे. - ताज्या बातम्यांसाठी डाऊनलोड करा ई-सकाळचे ऍप - पुण्याच्या बातम्या वाचण्यासाठी येथे ► क्लिक करा लॉकडाउन घोषित केल्यानंतर पर्यटन महामंडळाची पर्यटक निवासस्थाने बंद होती. मात्र, राज्य सरकारच्या ''मिशन बिगीन अगेन''नुसार पुन्हा हॉटेल्स आणि लॉज सुरु होत आहेत. तसेच, काही अटी-शर्तींवर रिसॉर्ट्सही सुरु करण्याचा निर्णय घेतला आहे. त्यानुसार महाराष्ट्र पर्यटन विकास महामंडळाची राज्यातील माळशेज, माथेरान, महाबळेश्वर, तारकर्ली, गणपतीपुळेसह इतर रिसॉर्ट्स सुरू होत आहेत. स्थानिक प्रशासनाची परवानगी घेऊन पुढील कार्यवाही करण्यात येत आहे. मागील काही दिवसांपासून कर्मचाऱ्यांकडून पर्यटन निवासस्थानांची दुरुस्ती आणि निर्जंतुकीकरण करण्यात येत आहे. राज्य सरकारच्या मार्गदर्शक सूचनेनुसार सर्व रिसॉर्ट्स सुरू करण्यात येत आहेत, असे पर्यटन महामंडळाकडून सांगण्यात आले. स्थानिक प्रशासनाची परवानगी घेऊन पर्यटक निवासस्थाने सुरू करण्याबाबत प्रक्रिया सुरू आहे. कोरोनाच्या पार्श्वभूमीवर पर्यटकांच्या आरोग्याची खबरदारी घेण्याबाबत प्राधान्य देण्यात येत आहे. महामंडळाच्या संकेतस्थळावर पर्यटक निवासासाठी बुकिंग सुरू करण्यात येत आहे. - दीपक हरणे, प्रादेशिक व्यवस्थापक, महाराष्ट्र पर्यटन विकास महामंडळ Edited By - Prashant Patil News Story Feeds https://ift.tt/31ZH1xe - Click Live News Short news on Mobile 2019.....