मॉन्सून महाराष्ट्रात दाखल पुणे - नैॡत्य मोसमी वारे (मॉन्सून) गुरुवारी महाराष्ट्रात दाखल झाले. कोकण, मध्य महाराष्ट्र, मराठवाड्याच्या दक्षिण भागात मॉन्सूनने प्रगती केली आहे. येत्या शनिवारपर्यंत (ता. १३) राज्याच्या आणखी काही भागात मॉन्सून हजेरी लावेल. त्यासाठी पोषक वातावरण आहे, असे हवामान खात्यातर्फे वर्तविण्यात आले. केरळ किनारपट्टीवर बरोबर एक तारखेला दाखल झालेल्या मॉन्सूनने राज्यात सलामी दिली. संपूर्ण कर्नाटक, गोवा, आणि रायलसीमाचा भाग व्यापणाऱ्या मॉन्सूनने रत्नागिरीतील हर्णे, सोलापूर, कोल्हापूर, सांगली, सातारा आणि सोलापूर, उस्मानाबाद जिल्ह्याचा काही भाग व्यापला. ताज्या बातम्यांसाठी डाऊनलोड करा ई-सकाळचे ऍप अरबी समुद्रातील मॉन्सूनच्या शाखेला निसर्ग चक्रीवादळामुळे गती मिळाली. ही शाखा गुरुवारी कारवारपर्यंत येऊन थांबली. तब्बल सहा दिवस मॉन्यूनने कर्नाटकातील या भागात मुक्काम ठोकला. हा मुक्काम गुरुवारी उठवत गोवा, सिंधुदुर्ग आणि हर्णेपर्यंतचा प्रवास एका दिवसात पूर्ण केला. मॉन्सूनच्या या शाखेला पुढील प्रवास करण्यासाठी पोषक वातावरण राज्यात निर्माण झाले आहे. अमिताभ बच्चनकडून कामगारांसाठी विशेष विमान सेवा त्यामुळे येत्या गुरुवारपर्यंत मध्य अरबी समुद्र, महाराष्ट्राच्या आणखी काही भागात, तेलंगणापर्यंत मॉन्सून पोचेल, असा अंदाज हवामान खात्यातर्फे वर्तविण्यात आला आहे. पुण्याच्या बातम्या वाचण्यासाठी येथे क्लिक करा बंगालच्या उपसागरातील आंध्र प्रदेश ओडिशाच्या किनाऱ्यालगत कमी दाबाचे क्षेत्र सक्रिय असून, त्याला लागून समुद्रसपाटीपासून ७.६ किलोमीटर उंचीपर्यंत चक्राकार वारे वाहत आहेत. पाकिस्तानपासून या कमी दाब क्षेत्रापर्यंत हवेचा कमी दाबाचा पट्टा (ट्रफ) सक्रिय आहे. पोषक वातावरण अरबी समुद्राबरोबरच बंगालच्या उपसागरातील मॉन्सूनच्या शाखेची दमदार वाटचाल सुरू आहे. तेथे तयार झालेले कमी दाबाचे क्षेत्र मॉन्सून वाटचालीस पोषक ठरत आहे. ईशान्य भारतातून पुढे चाल करत, नागालॅंड, मणिपूर, मिझोराम, त्रिपुरा ही राज्ये संपूर्णपणे व्यापून अरुणाचल प्रदेश, आसाम, मेघालयाच्या काही भागात मॉन्सून दाखल झाल्याचे हवामान विभागाने म्हटले आहे. News Story Feeds https://ift.tt/eA8V8J - Click Live News Short news on Mobile 2019.....