डेक्सामिथॅसोन औषध घटविते मृत्युदर; लंडनमधील संशोधकांचा दावा लंडन - गंभीर स्थिती असलेल्या कोरोना रुग्णांना ‘डेक्सामिथॅसोन’ या औषधाचा अल्प प्रमाणात डोस दिल्यास मृत्युदर एक तृतीयांशाने घटत असल्याचे एका माहितीतून समोर आले. ‘रिकव्हरी’ या नावाने ब्रिटनच्या पुढाकाराने घेतलेल्या चाचण्यांमधून हा महत्त्वाचा निष्कर्ष निघाला असल्याचे संशोधनकांनी म्हटले आहे; तसेच रुग्णालयांमध्ये कोरोनाग्रस्तांवर उपचार करण्यासाठी या औषधाचा तातडीने वापर करण्यास सुरुवात करणे आवश्‍यक आहे, असेही संशोधकांनी म्हटले आहे. - ताज्या बातम्यांसाठी डाऊनलोड करा ई-सकाळचे ऍप - पुण्याच्या बातम्या वाचण्यासाठी येथे ► क्लिक करा ‘हा निष्कर्ष खूपच आशादायी आहे. व्हेंटिलेटरवर ठेवलेल्या किंवा ऑक्सिजन सातत्याने वापराव्या लागणाऱ्या कोरोना रुग्णाला डेक्सामिथॅसोनचा डोस दिल्यास रुग्णाचा जीव वाचू शकतो. या औषधाची किंमतही अत्यंत कमी आहे,’ असे ऑक्सफोर्ड विद्यापीठातील प्राध्यापक आणि या संशोधन गटाचे प्रमुख मार्टिन लँडरे यांनी सांगितले. अमेरिकन राष्ट्रपतीपदाच्या निवडणुकीची खासियत तुम्हाला माहितीये का? डेक्सामिथॅसोन हे जनुकीय उत्तेजक औषध असून, इतर आजारांमध्येही शरीरातील जळजळ थांबविण्यासाठी त्याचा वापर केला जातो. सध्याच्या संसर्गात मृत्युदर कमी करणारे हे एकमेव औषध असल्याचे दिसून आल्याचा दावा पीटर हॉर्बे या संशोधकाने केला आहे. कोरोनावर अद्याप कोणतीही लस अथवा औषध शोधले गेली नसल्याने ब्रिटनमध्ये लागलेल्या या शोधामुळे नवी आशा निर्माण झाली आहे. News Story Feeds https://ift.tt/eA8V8J

via News Story Feeds https://ift.tt/2zHIBYW