पुण्यात बाजार समितीच्या नऊ कर्मचाऱ्यांना कोरोनाची लागण मार्केट यार्ड - कृषी उत्पन्न बाजार समितीच्या सात कर्मचाऱ्यांना तर ठेकेदाराकडील दोन कर्मचाऱ्यांना कोरोनाची लागण झाली आहे. गेल्या दीड महिन्यापासून बाजार बंद होता. बाजार सुरू करताना खबरदारी म्हणून कर्मचाऱ्यांची कोरोनाची तपासणी केली होती. त्यामध्ये हे कर्मचारी कोरोना पॉझिटिव्ह आढळले आहेत. ताज्या बातम्यांसाठी डाऊनलोड करा ई-सकाळचे ऍप बाजार समितीचे प्रशासक बी. जे. देशमुख म्हणाले की, मार्केट यार्डात येणारे अनेक अडते, कामगार, कर्मचारी हे बाधित भागातील होते. त्यामुळे तरकारी, फळे, कांदा-बटाटा, केळी आणि पणन विभाग दीड महिन्यांपासून बंद होते. परंतु, शेतकऱ्यांच्या शेतमालाचा विचार करून आणि जिल्हा प्रशासनाशी चर्चा करून बाजार 50 दिवसानंतर 31 मे पासून बाजार सुरू करण्याचा निर्णय घेण्यात आला होता. पुण्याच्या बातम्या वाचण्यासाठी येथे क्लिक करा बाजार बंद असल्याने बाजार आवारात काम करणारे सफाई कर्मचारी आणि अन्य कर्मचारी बाजारात येत नव्हते. त्यानंतर बाजार सुरू करताना खबरदारी म्हणून प्रत्यक्ष बाजार आवारात काम करत असणाऱ्या कर्मचाऱ्यांची कोरोना तपासणी करण्याचा निर्णय समितीने घेतला होता. त्यानंतर समितीच्या 179 कर्मचाऱ्यांची टेस्ट केली असता त्यात बाजार समितीचे 7 आणि ठेकेदाराकडील 2 असे एकूण 9 कर्मचाऱ्यांना कोरोनाची लागण झाल्याचे आढळले आहे. बाजार आवारात मोठ्या प्रमाणावर लोकांचा वावर असतो. सामाजिक अंतर ठेवून, बाजाराचे निर्जंतुकीकरण करून आणि सर्व प्रकारची योग्य ती खबरदारी घेऊन बाजार सुरू आहे. तसेच, बाजार आवारात कोणाला कोरोनाचे लक्षणे आढळल्यास तातडीने कळवावे. - बी. जे. देशमुख, प्रशासक, पुणे बाजार समिती News Story Feeds https://ift.tt/eA8V8J - Click Live News Short news on Mobile 2019.....