बाधित नसतानाही `या` महापालिकेतील कर्मचारी सहा महिन्यांसाठी `होम क्वारंटाईन` सोलापूर : कोरोना संदर्भात कर्तव्यासाठी नियुक्त केल्यानंतरही रूजू होण्यास टाळाटाळ करणाऱ्या महापालिकेतील एका कर्मचाऱ्यास निलंबित करण्यात आले आहे. रूजू होण्याबाबत पत्र दिल्यानंतरही संबंधित कर्मचारी रुजू झाला नाही. त्यामुळे आपत्कालीन कायद्यानुसार त्यास सहा महिन्यांसाठी निलंबित करण्यात आले. सोरेगाव येथील क्वारंटाइन सेंटरवर नियुक्त करण्यात आलेले लिपीक लक्ष्मीकांत देवनादरगी हे कामावर रुजू न झाल्याने त्यांना निलंबित करण्यात आले आहे. पोलिस प्रशिक्षण केंद्रावर त्यांची नियुक्ती करण्यात आली होती. श्री. देवनादरगी यांनी शुगर, बीपी व अन्य मानसिक त्रास असल्याचा अर्ज दिला होता. मात्र, त्याबाबत पुरेशी कागदपत्रे सादर केली नव्हती. त्यामुळे त्यांच्यावर निलंबनाची कारवाई करण्यात आली. शहरात कोरोनाचे रुग्ण वाढू लागल्याने शहरातील विमा रुग्णालय, रेल्वे रुग्णालय (डॉ. कोटणीस हॉस्पिटल) येथेही कोरोना रुग्णांवर उपचार करण्यात येणार आहेत. दरम्यान, वैद्यकीय अधिकाऱ्यांना राहण्यासाठी येथील शासकीय तंत्रनिकेतन महाविद्यालय तसेच नमन हॉटेल ताब्यात घेण्यात आल्याची माहिती महापालिका आयुक्त दीपक तावरे यांनी दिली. सोलापूर शहर-जिल्ह्यामध्ये कोरोना रुग्णांची संख्या झपाट्याने वाढत आहे. बुधवारी सायंकाळी हा आकडा 81 वर गेला आहे. कोरोनाबाधित रुग्णांवर सध्या शासकीय रुग्णालयात उपचार करण्यात येत आहेत. तेथील सुविधा अपुरी पडत असल्याने तसेच रुग्णांची संख्या वाढू लागल्याने महापालिका प्रशासनाने विमा रुग्णालय आणि रेल्वे रुग्णालयात उपचाराची सोय केली आहे. या दोन्ही रुग्णालयांतील वैद्यकीय अधिकाऱ्यांना तसेच कर्मचाऱ्यांना कोरोना रुग्णांच्या उपचारासाठी नियुक्त केले जाणार आहे. शहर-जिल्ह्यांमध्ये कोरोनाची भयंकर परिस्थिती आहे. हा आकडा वाढत आहे. त्यामुळे उपचारासाठी डॉक्‍टर्स आणि तज्ज्ञ मंडळींची गरज आहे. शहर-जिल्ह्यातील डॉक्‍टर आणि मेडिकल्समध्ये काम करणाऱ्या लोकांनी पुढे येऊन पालिका प्रशासनास सहकार्य करावे, असे आवाहन श्री. तावरे यांनी केले. News Story Feeds https://ift.tt/eA8V8J

via News Story Feeds https://ift.tt/2SgPXbO