कॅमेरामॅनचा धसका; उपमुख्यमंत्र्यासह चार मंत्री झाले क्‍वारंटाईन बंगळूर : कन्नड वृत्तवाहिनीच्या कॅमेरामॅनला झालेल्या कोरोना संसर्गामुळे मंत्रिमंडळातील अनेक मंत्री चिंतेत आहेत. उपमुख्यमंत्री डॉ. अश्वत्थनारायण, गृहमंत्री बसवराज बोम्मई, वैद्यकीय शिक्षण मंत्री डॉ. के. सुधाकर आणि पर्यटनमंत्री सी. टी. रवी यांनी कोरोना विषाणूची चाचणी घेतली आहे. या चौघांचा नकारात्मक अहवाल आला असला, तरी त्यांनी स्वत:हून विलगीकरणाचा (क्वारंटाईन) मार्ग स्वीकारला आहे. दरम्यान, कॉंग्रेसचे प्रदेशाध्यक्ष डी. के. शिवकुमार यांनी ट्‌विट करून कॅमेरामॅनच्या संपर्कात आलेल्या सर्व मंत्र्यांना क्वारंटाईनमध्ये जाण्याचे आवाहन केले आहे. त्यामुळे इतर मंत्री आणि अधिकाऱ्यांमध्ये चिंतेचे वातावरण आहे. सी. टी. रवी यांनी बुधवारी मुख्यमंत्री येडियुराप्पा यांची भेट घेऊन पर्यटनच्या विकासासाठी खास पॅकेजची विनंती केली. त्यानंतर क्वारंटाईनमध्ये राहण्याचा त्यांनी निर्णय घेतला. 23 एप्रिल रोजी या कॅमेरामनची तपासणी केल्यानंतर त्याला संसर्गाची पुष्टी झाली. मुख्यमंत्री, उपमुख्यमंत्री यांच्यासह अनेकांचे कॅमेरामनने जवळून चित्रीकरण केले आहे. कोरोना इन्फेक्‍शन मॅनेजमेंट प्रोटोकॉलनुसार त्यांना अलग ठेवणे आवश्‍यक असल्याचे डी. के. शिवकुमार यांनी ट्‌विट केले आहे. सामान्य लोकांसाठी एक धोरण आणि सत्तेत असलेल्यांसाठी वेगळे धोरण दर्शविणारे उदाहरण असल्याचा आरोपीही त्यांनी केला. हे पण वाचा - जवानाला थर्ड डिग्री देणे पोलिस उपनिरीक्षकांना पडले चांगलेच महागात संक्रमित कॅमेरामनने 20 एप्रिल रोजी मुख्यमंत्र्यांच्या गृह कार्यालयाला भेट देऊन तेथील बैठकीचे चित्रीकरण कले. तर 21 एप्रिल रोजी पुन्हा मुख्यमंत्र्यांच्या गृह कार्यालयात येऊन त्यांनी बैठकीस आलेल्या कन्नड आणि संस्कृती मंत्र्यांची प्रतिक्रिया (बाईट्‌स) घेतली. तर 22 एप्रिल रोजी वैद्यकीय शिक्षण मंत्र्यांच्या घरी जाऊन मुलाखतीचे चित्रीकरण केले असून त्याच दिवशी गृहनिर्माण मंत्र्यांचेही त्यांने बाईट्‌स घेतल्याचे शिवकुमार यांनी सांगितले. हे पण वाचा - गुड न्यूज : भारतातच तयार होणार कोरोनाची लस! News Story Feeds https://ift.tt/eA8V8J

via News Story Feeds https://ift.tt/2VQkG1u