#WeCareForPune : पुण्यात १० खासगी रुग्णालयांत उपचार coronavirus स्वतंत्र विलगीकरण कक्ष तयार; ३० खाटा निश्‍चित पुणे - कोरोना विषाणूचा संसर्ग झालेल्या रुग्णांना आता शहरातील दहा खासगी रुग्णालयांमध्येही उपचारासाठी दाखल होता येईल. त्यासाठी या रुग्णालयांमध्ये स्वतंत्र विलगीकरण कक्ष तयार केले आहेत. या सर्व रुग्णालयांची तपासणी करून दहा रुग्णालयांमधील ३० खाटा निश्‍चित केल्या आहेत. काम असेल तरच ऑफिसला या; राज्यात सर्वाधिक कोरोनाग्रस्त पुण्यात! कोरोनाचा संसर्ग झालेल्या रुग्णांच्या विलगीकरणासाठी पुणे महापालिकेचे डॉ. नायडू संसर्गजन्य रुग्णालय; तर पिंपरी-चिंचवडसाठी ‘वायसीएम’ रुग्णालय निश्‍चित केले आहे. त्यामुळे लक्षणे दिसणाऱ्या किंवा कोरोनाचे निदान झालेल्या रुग्णांना याच दोन रुग्णालयांमधील विलगीकरण कक्षात राहण्याचा सल्ला सरकारी यंत्रणेतून दिला जाईल. खासगी रुग्णालयांमध्ये दाखल होण्याचा सल्ला सरकारी व्यवस्थेतून दिला जाणार नाही. पण, एखाद्या रुग्णाने खासगी रुग्णालयात दाखल होण्याची इच्छा व्यक्त केली, तर त्यासाठी ही सुविधा उपलब्ध केली आहे. आता बातम्या ऐकण्यासाठी डाऊनलोड करा ई-सकाळचे ऍप कोरोनाचे संशयित किंवा निश्‍चित झालेले बहुतांश रुग्ण परदेशातून आलेले आहेत. त्यांना डॉ. नायडू रुग्णालयात विलगीकरण होणे शक्‍य होत नाही. त्यामुळे यापूर्वीच खासगी रुग्णालयांची तपासणी करून तेथील काही खाटा विलगीकरणासाठी निश्‍चित केल्या होत्या. त्याचा वापर आता महापालिका प्रशासनाने सुरू केला आहे. खासगी रुग्णालयांतील विलगीकरण कक्षात दाखल होणाऱ्या रुग्णाला तेथील सर्व खर्च स्वतःला करावा लागणार आहे. त्यासाठी सरकार कोणतीही सवलत किंवा उपचारांचा खर्च करणार नसल्याचे स्पष्ट करण्यात आले. हा खर्च रुग्ण करण्यास तयार असल्यास खासगी रुग्णालयात दाखल होण्याची परवानगी दिली जाण्याचे धोरण निश्‍चित झाले आहे. Corona Updates : देशात रुग्णांच्या संख्येत वाढ; पुण्यात नवीन रुग्ण नाही खासगी रुग्णालयात दाखल होणाऱ्या रुग्णाची प्राथमिक तपासणी डॉ. नायडू रुग्णालयात केली जाईल. त्याच्या घशातील द्रव पदार्थांचे नमुनेही तेथेच घेतले जातील. त्यानंतर संबंधित रुग्णाच्या इच्छेवरून त्याला खासगी रुग्णालयात विलगीकरणासाठी पाठविण्यात येईल. ज्या रुग्णांना खासगी रुग्णालयातील वैद्यकीय सेवेचा खर्च परवडणारा आहे, खासगी रुग्णालयास प्राधान्य दिले आहे, त्यांच्यासाठी ही सोय करण्यात आली आहे. इतर देशांमध्ये कोरोना विषाणूच्या संसर्गाच्या रुग्णांची संख्या वाढत असतानाच पुण्यातील आरोग्य यंत्रणा त्यासाठी सज्ज करण्यात आली. त्याअंतर्गत खासगी रुग्णालयांची तपासणी करून त्यातील सुविधांच्या आधारावर काही खाटा फेब्रुवारीमध्येच राखीव ठेवण्याचे नियोजन करण्यात आले होते. News Story Feeds https://ift.tt/eA8V8J

via News Story Feeds https://ift.tt/3aWUNlr