Video : कोरोनाच्या टेस्ट "कृष्णा'त शक्‍य; सरकारच्या परवानगीची आवश्यकता : डॉ. सुरेश भोसले कऱ्हाड ः कोरोनाच्या पार्श्वभूमीवर संभाव्य धोका विचारात घेऊन कृष्णा हॉस्पिटलमध्ये 60 बेडचे दोन क्वारंटाइन व दोन आयसोलेशन वॉर्ड तयार केले आहेत. तेथे तज्ज्ञ डॉक्‍टर, नर्स आणि कर्मचारी तैनात केल्याची माहिती कृष्णा वैद्यकीय विज्ञान अभिमत विद्यापीठाचे कुलपती डॉ. सुरेश भोसले यांनी दिली. कोरोनाच्या पार्श्वभूमीवर कृष्णा हॉस्पिलमध्ये करण्यात आलेल्या तयारीची माहिती देताना ते बोलत होते. डॉ. भोसले म्हणाले,"" कृष्णा हॉस्पिटलमध्ये साताऱ्यासह सांगली, कोल्हापूर व रत्नागिरी जिल्ह्यांतून उपचारासाठी रुग्ण येतात. भविष्यातील कोरोनाचा धोका विचारात घेऊन रुग्णांना चांगल्या वैद्यकीय सुविधा उपलब्ध व्हाव्यात, या उद्देशाने कृष्णा हॉस्पिटलमध्ये 60 बेडचे 4 स्वतंत्र वॉर्ड तयार केले आहेत. ज्यामध्ये 25 बेड पुरुषांसाठी, 25 बेड महिलांसाठी आणि 10 बेड लहान मुलांसाठी राखीव ठेवण्यात आले आहेत. तेथे स्वतंत्र 'आयसीयु' आणि व्हेंटिलेटरचीही सोय करण्यात आली आहे. हॉस्पिटलमध्ये 40 व्हेंटिलेटर उपलब्ध आहेत. मोठ्या प्रमाणावर व्हेंटिलेटर असणारे हे जिल्ह्यातील हे एकमेव हॉस्पिटल आहे. कोरोनाचा सामना करण्यासाठी हॉस्पिटलमधील तज्ज्ञ डॉक्‍टर, नर्स आणि कर्मचारी तैनात करण्यात आले आहेत. कोरोनाच्या टेस्ट "कृष्णा'त शक्‍य पुणे, मुंबई आणि नागपूर इथेच सध्या कोरोनाच्या चाचण्या केल्या जात आहेत. कृष्णा हॉस्पिटलमध्ये "एनएबीएल' मानांकित दोन रोगनिदान प्रयोगशाळा असून, सरकारने परवानगी दिल्यास इथेच संशयित रुग्णांच्या कोरोनाविषयक टेस्ट करणे शक्‍य होणार आहे, अशी माहिती डॉ. सुरेश भोसले यांनी दिली. गावातील माणुसकी आटली : २२ तासानंतरही मृतदेह जागेवरच; अखेर ग्रामसेवकांनी दिला भडाग्नी News Story Feeds https://ift.tt/eA8V8J

via News Story Feeds https://ift.tt/2QYGyFg