तिच्या हाती आर्थिक दोरी आपला एक समज आहे, की महिला पैशाचे व्यवस्थापन करू शकत नाहीत. मात्र, प्रत्यक्षातील स्थिती वेगळी आहे. अनेक वेळा महिलांची प्रतिमा अवाजवी खर्च करणाऱ्या अशी दाखविली जाते; मात्र महिला या घरगुती खर्च आणि बजेटिंग पूर्वापार करीत आल्या आहेत. यातून अनेक धडे घेण्यासारखे असून, आधुनिक जगात पुरुष आणि महिलांना त्याचा फायदा होऊ शकतो. ताज्या बातम्यांसाठी डाऊनलोड करा ई-सकाळचे ऍप महिला या वित्तीय बाबतीत हुशार म्हणून असतात; मात्र बहुतांश महिला त्यांचे आर्थिक व्यवहार पाहत नाहीत, ही समस्या आहे. याच वेळी दीर्घकालीन निर्णय आणि आर्थिक नियोजन यापासून महिला दूर राहतात. महिलांना दीर्घकालीन आर्थिक नियोजनाचा आत्मविश्‍वास आणि अनुभव नसणे अथवा पतीकडून स्वातंत्र्य न मिळणे अथवा पालकांकडून त्यांच्यातील या नैसर्गिक क्षमतेला डावलले जाणे, ही यामागील कारणे असतात. खूप आधीपासून भारतीय महिला या बचत करणाऱ्या आणि खर्चाचे व्यवस्थापन करणाऱ्या आहेत, हे माहिती असूनही हे याकडे दुर्लक्ष झाले आहे. आपण यावर चर्चा करीत असताना या परिस्थितीत बदल होत असून, देशातील स्वयंउद्योजकांमध्ये बहुतांश महिला आहेत. ‘कॉन्फेडरेशन ऑफ इंडस्ट्री’ने (सीआयआय) केलेल्या पाहणीनुसार, ५६.६७ टक्के महिला स्वयंउद्योजक त्यांचे आर्थिक निर्णय स्वतः घेतात, तर ३८.७१ टक्के महिला संयुक्तपणे पती, पिता अथवा इतर महत्त्वाच्या व्यक्तींसोबत हे निर्णय घेतात. (लेखक पर्सनल फायनान्स स्ट्रॅटेजिस्ट असून, त्यांचे ‘फायनान्शिअल स्पिरिच्युॲलिटी’ हे पुस्तक प्रसिद्ध झाले आहे.) News Story Feeds https://ift.tt/eA8V8J

via News Story Feeds https://ift.tt/3cGUkp4