विमानतळांवर थर्मल डिटेक्‍टर - टोपे मुंबई - थेट विमानसेवा असलेल्या विविध देशांतून येणाऱ्या प्रवाशांच्या तपासणीसाठी विमानतळांवर थर्मल डिटेक्‍टर आणि इतर यंत्रणाही बसविली असून, बोटीतून येणाऱ्या प्रवाशांची काळजी घेत आहोत, असे राज्याचे आरोग्य मंत्री राजेश टोपे यांनी कोरोनासंदर्भातील उपाययोजना सांगितल्या. महाराष्ट्रात आतापर्यंत एकही रुग्ण आढळला नाही; मात्र, उपाय म्हणून ‘एन ९५’ मास्क उपलब्ध आहेत, त्याचा साठाही करण्याचे नियोजन आहे, असेही त्यांनी सांगितले. ताज्या बातम्यांसाठी डाऊनलोड करा ई-सकाळचे ऍप कोरोना रोखण्यासाठी जवळपास दीड वर्षे लागेल; पण या परिस्थितीत नेमके काय आणि कसे प्रतिबंधात्मक उपाय करायचे, याचे प्रशिक्षण चार तज्ज्ञ डॉक्‍टर घेत आहेत, ते आता इतरांनाही देणार आहेत. ज्यामुळे जागृती निर्माण होणार असल्याचेही त्यांनी सांगितले. कोरोनाच्या पार्श्‍वभूमीवर विधिमंडळात चर्चा झाली तेव्हा आमदार रोहित पवार यांनी आरोग्य खात्याच्या उपायांबाबतची विचारणा केली. अफवा पसरविणाऱ्यांवर कारवाई कोरोना विषाणू आणि त्यांच्या संसर्गाबाबत सोशल मीडियावरील अफवा पसरविण्यात येत आहेत. मात्र, या आजारासंदर्भातील चिंता करण्याची स्थिती नाही. मात्र, जे लोक अफवा पसरवीत आहेत, त्यांच्यावर कठोर कारवाई करण्यात येईल, असेही टोपे यांनी सांगितले. News Story Feeds https://ift.tt/eA8V8J

via News Story Feeds https://ift.tt/2wpyZQk