भरधाव डंपर समोरून आला आणि.... दोडामार्ग (सिंधुदुर्ग) - कसई दोडामार्ग येथील धाटवाडी येथे वाळू वाहक डंपरने धडक दिल्याने दुचाकीस्वार गंभीर जखमी झाला. त्याच्या उजव्या पायाला मोठी दुखापत झाली आहे. त्याच्यावर येथील ग्रामीण रुग्णालयात प्राथमिक उपचार करुन पुढील उपचारासाठी 108 रूग्णवाहिकेने गोव्यात नेण्यात आले. कृष्णा अनंत शिरोडकर (वय 22, रा .वझरे ) असे जखमी युवकाचे नाव आहे. अपघातग्रस्त डंपर आयी रस्त्याने दोडामार्गच्या दिशेने येत होता तर शिरोडकर वझरेकडे जात होता. अवैधरित्या वाळू वाहून नेणारे अनेक डंपर बांदा दोडामार्ग, दोडामार्ग आयी पर्ये या मार्गाने सुसाट वेगाने धावत असतात. काही महिन्यांपुर्वी पर्ये परिसरातील डंपर अंगावरून गेल्याने एका महिलेचा कुडासे तिठा येथे मृत्यू झाला होता. तर आज धाटवाडी येथे दुचाकीस्वार गंभीर जखमी झाला आहे. पोलिस आणि महसूल प्रशासनाला हाताशी धरून डंपर चालक मालक बेदरकारपणे वाहने हाकत असल्याने पादचारी आणि दुचाकीस्वारान्चे जीव धोक्‍यात येण्याची शक्‍यता आहे. त्यामुळे त्यांना योग्य ती समज पोलिस आणि महसूलने देण्याची गरज आहे. या प्रकरणी पोलिसात तक्रार दाखल झाली आहे. News Story Feeds https://ift.tt/eA8V8J

via News Story Feeds https://ift.tt/2Qdaey4